الست دي بتقول مافيش في البيت غير خمسة كامله

الست دي بتقول مافيش في البيت غير خمسة جنية ، حطتها على الترابيزة وقالت هروح الصبح أشتري بيها عيش ، وإن كان على الأكل يبقا يدبر بأي حاجة ، أنا عندي شوية بطاطس في البيت 
وفيما هى تقلب الأمور في رأسها سمعت حد بيخبط على الباب ، فتحت الباب لقت جارتها بتقولها : البيت مافيهوش ولا قرش ، ألاقي معاكي خمسة جنية سلف ، وبدون تردد قالت لجارتها : أيوة في يا حبيبتي ، لحظة واحدة أجيبهالك ، ودخلت جابت الخمسة جنية بتاعة العيش وإديتها لجارتها !!
ولما قفلت الباب إبنها قال لها : أيه يا امي إللي عملتيه ده ، أنتي إديتي لجارتنا أم فلان الخمسة جنية بتاعة العيش طبعاً يا ابني ، ماهى طلبتها وبتقول مافيش في البيت ولا قرش طيب ما احنا برضوا مافيش في بيتنا ولا قرش  أحنا ربنا هيدبرهالنا وهيبعتلنا خمسة جنية غيرها ، لكن هى لجأت لينا وخبطت على بابنا ومكانش ينفع نقولها مافيش  طيب هيدبرها إزاي يا أمي ، ده الدنيا ليل واحنا في قرية ، وأنتي بتروحي الساعة ستة الصبح تجيبي العيش ، يبقا الفلوس هتيجي إزاي بس !!