انا فى كا-رثه بجد

بنات انا فى كارثه بجد خطيبى كان معزوم عندنا هو وأهله عشان كنا هنشتري الدهب وبما انهم من محافظة تانيه والطريق طويل ماما قالت هنعمل غدا وطلبت منى اسأل خطيبى اعمل اكل ايه عشان تعمل الاكل اللى بيحبوه فبصراحه طلب كذا صنف لى ولحماتى وحمايا وازواج اخواته فلما قولت لماما قالت طيب هسأل ابوكى ولما سألته قالها ده هيشتري دهب مش هيلبسها شبكه وقالها بلاش اكل بس ماما أصرت وعملت والله استلفت فلوس من تيته.. المهم لما بابا عرف زعق وقال فلوس على الأرض وهما ناس مش عندها د/م جايين يشتروا الشبكه وهما 30 فرد ليه وكلام من ده بس أمى تجاهلته ومردتش عليه عشان اليوم يعدى، المهم خطيبى واهله وصولوا وماما عملت ليهم احسن سفرة وبعدها اشترينا الشبكه والدنيا كانت تمام بس اللى حصل من ابويا مكنش حلو بالمره ابويا عمل اللى محدش يتوقعه

وطبعا عشان امى مش سمعت كلامه، عارفين عمل ايه، هقولكم اولا انا شوفته واقف مع خطيبى حوالى ربع ساعه بس مكنتش متخيله انه عمل كدة، المهم بعد ما مشيوا لقيت خطيبى بيكلمنى وفى وسط الكلام قالى ان بابا طلب منه مبلغ سلف وخطيبى قالوا انه مش عامل حسابه بس هيحولوا لبابا كاش بكره والمبلغ حوالى 4000 جنيه وده تقريبا تمن الاكل فأنا اضايقت وبسأل بابا راح قالى انه هياخد منه حق الأكل بالطريقه ومش هيرجعوا يعنى هيشتغلوا وانا والله موش عارفه اعمل ايه اقول خطيبى ان ابويا راجل معفن واوعا تسلفه وطبعة لو قولت هقلل من ابويا ومن نفسي قدامه ولا مقولش حاجة وبعد كده احوشهم وابقى اردهم من ورا ابويا بالله عليكم عايزه حل لأنى تعبت من ابويا قوى وعلى فكرة امى من وقتها بتعيط وبتقولى ان خطيبى هيفشكل لو عرف الحوار ده