انا ام الطفلين

انا ام لطفلين اكبرهم خمس سنوات واالتاني ست شهور بدات معاناتي وانا حامل ف الشهر التامن بدات احس بتقل ف ف رجلي وتنميل ومش قادره امشي رحت لدكتور قالي تقل حمل وف الشهر التاسع بقيت اقف اقع وقالي تقل حمل لحد يوم الولاده معرفتش انزل السلم شالوني ونزلت ف اوضه الولاده الدكتور مكنش عاوز يولدني ف الاخر ولدني وقال هي مش هتمشي هاتو دكتور مخ واعصاب وبالفعل جبنا دكتورمخ واعصاب ال كشف وبسرعه طلب مني اشعه رنين يالصبغه علي المخ والضهر والرقبه وقال هي مش هتمشي معاكم خدوها فالاسعاف ورحت اعمل الاشعه وانا بطني مفتوحه من الولاده ولا حتي لمست بنتي ولا حضنتها ولا ضميتها لحضني زي اي ام شعور ممېت.وعملت الاشعه واخدوها لدكتوز تاني كبير ال فاجئني وفاجيء الكل باني عندي ورم ف الحبل الشوكي ف الضهر عملي شلل نصفي بس الاشعه طلعت انه مش ده الورم الاساسي الورم ثانوي وانه فيه ورم ف مكان تاني كمان وطلبو اشعه مسح ذري وعملت الاشعه المسح ال طلعت انه اناالورم شلني وانه اكل عضمي اكل عضم الحوض من اليمين وبدا ف الشمال ومنتشر عيطت اتخنقت ومبقتش عارفه اعمل ايه وانا ام لسه صغيره وولادي اطفال ورفعت ايدي لرب السما وقلت يارب واتحولت الاورام وباخد كيماوي واشعاع بمۏت كل مره وانا باخده ‘وصابره حياتي كلها علي سرير مبتحركش بحتاج ال يقلبني ويقعدني ويحركني ببقي ھموت وانا بقول لحد اقلبني بروح المستسفي ف الاسعاف وبفضل علي ترولي لحد ماخد الجرعه بياخدوني من سريري للمستشفي ومن المستسفي لسريري نفسي اخرج نفسي امشي نفسي اشوف نور ربنا لو حتي من البلكونه نفسي اشيل بنتي نفسي اقف ف مطبخي اطبخ لاولادي نفسي مبقاش عبء علي حد  انا املي ف الله كبير انا بطلب من كل ام عنيها وقعت علي البوست ده تدعيلي من قلبها انه ربنا يشفيني وياخذ بايدي واقوم امشي علي رجلي واشم هوا ربنا واشوف نوره وانه ربنا مايحوجني لحد ابدا لاف صحه ولاف اي شي انامحتاجه الدعوه دي اوي اادعولي حببباتي اسال الله ان يرزقكم جميعا الصحه والعافيه وانه ميحوجوش لحد ابدا يارب العالمين الدعاء بيغير القدر .