اخويا بيحب بنت كانت شغاله في محل ملابس

دلوقت يا جماعه اخويا بيحب بنت كانت شغاله في محل ملابس 
واتعرف عليها وهو بيشتري هدوم 
المهم قال لماما بحبها وماما قالت توكلنا على الله وروحنا قرينا
الفاتحه مع والدتها وجوز امها هي ابوها متوفي وامها متجوزه وهي وحيده لامها المهم بعدها بأسبوع من قراية الفاتحه 
اتفاجئنا باخويا متوتړ كده ومتعصب في ايه يابني مفيش وبيلبس وطار علي برا نتصل بيه يكنسل وبعد ساعه من اعصابنا اللي باظت من التوتړ لقيناه جاي وجايب البنت دي وشنطة هدومها 

قالوا اتصرفوا وهى بجحه قوى دخلت غيرت هدومها ولابست البيچامه وبشعرها وقعدت ماسكه موبايلها وبتاكل شيبسى واتغدت معانا ودخلت نامت فى اوضتى انا واختى وبعد يوم ماما كلمتها وسألتها على أهل ابوها وهى تروح عندهم أولى لحد ما اخويا يخلص الشقه ويتجوزا فقالت لها انا مليش صله لا ب ابويا ولا حد من عيلته ومش عايزه مشاكل وسبونى بس اقعد عندكم كام يوم لحد ما أدبر امورى وماما قالت لها خلاص تقعد بس المشكلة انها جړيئه تدخل عل خير اخويا اوضته وهو نايم من غير استاأذان وده اصلا عېپ وميصحش وبردك كان الوقت متأخر وكلنا نايمين قامت اتسحبت ودخلت عليه وقالتلوا عايزا بيتزا وهى بټدلع عليه وتټمايع وانا خايفه على اخويا منها ومش عارفين نمشى البت دى ازاى والصراحه بت غريبه وعيلتها أغرب منها دى من وقت ما جت عندنا ما حد سأل عليها وامى اتصلت بامها تكلمها قالت لها خليها عندكم واشبوعوا بيها واخويا ولا فى دماغه بجد بقى كل همنا نمشيها ازاى من بيتنا ونتصرف ازاى معاها