فلاش باك
ما سيادتك تعيد التجربة اللي ضيعت فيها عمرك دي من الاول وجديد انت مچنون يا حسن مچنون ايه انا بسأل انت فعلا مچنون وانا اجن منك عشان مشيت وراك
مفيش قدامنا حل غير كدا احنا دلوقتي عايشين في عالم بتحكمه الطبيعة عالم بيور جدا مفيهوش اي حاجة صناعية مهمتنا دلوقتي عشان نقدر نعيش الفترة اللي هنقضيها في الزمن ده اللي الله اعلم هتطول وللا هتقصر اننا نتعلم ازاي نقاوم الطبيعة الجوع والعطش والخطړ
لا هناكل ونشرب من الطبيعة زي كل الناس اللي عايشين هنا ما بيعملوا تعالى انا بيتهيألي فيه غابة قريبة من هنا
واحنا هنعمل ايه في الغابة
هندور على اي حاجة ناكلها اكيد هنلاقي
وفضلنا ماشيين لحد ما دخلنا الغابة مشينا مسافة كبيرة جدا بين الشجر والحشائش لحد ما قابلنا أول انسان في الغابة كان شعره طويل جدا ومنكوش ودقنه طويلة وعلى جسمه كام حتة جلد كدا يادوب ساترين الأماكن المهمة كان معاه حتة حجر كدا على شكل خنجر ومسنونة كويس جدا وماسك غزالة صغيرة وقاعد بيقطع فيها وبياكلها نية .. اول ما ايهاب شافه قالي ايه ده ايه اللي جاب ابو الليف هنا ..
يا اخي اتنيل بقى ظابط ايه انت فاكر نفسك في وسط البلد
الراجل قرب على ايهاب
الله يخربييييتك عملت ايه عملت اييييه
ايه اللي عملت ايه امال كنت عايزني اسيبه يموتنا
والطبنجة دي بتعمل ايه معاك هنا
انا مبسيبهاش دي عهدة
ليييه يعني
هقولك ايه ما انت جاهل احنا موجودين في عصر سحيق تعداد البشرية كلها فيه حوالي 100 بني آدم متوزعين في العالم كله ال 100 واحد دول طبعا مش كلهم رجالة فيهم رجالة وأطفال وستات الرجالة بقى اللي عايشين في الزمن دا فيهم واحد بلا اي شك جدي وجدك هو اللي احنا هنخرج من نسله بعد كدا يعني علميا كدا احنا قدام احتمال مش اقل من 60 انك قټلت جدك
لا انت إبن .. يا اخي مش عايز اشتم امنا بسببك هو دا اللي فارق معاك لو الراجل اللي انت قټلته دا طلع جدنا فعلا يبقى احنا مش هنتولد ودا الجزء التطبيقي اللي عامل مشكلة في نظرية النسبية اي حدث بيتغير في الماضي بتتغير معاه الاحداث المترتبة عليه في المستقبل ..
يا نهار اسود وبعدين
استنى فيه صوت رجلين استخبى استخبى
يعني الواد ابو شخة دا يبقى جدي
احتمال كبير كويس ان الراجل عنده ابن كدا احتمال اننا نتولد لسه موجود
وقبل ما نلحق نفرح شوفنا ديناصور في الغابة كان على مسافة قريبة مننا ايهاب طلع المسډس وفرغ كل اللي فيه في الديناصور وسيبناه مجروح وطلعنا نجري لحد ما بقينا قريبين من البحيرة انا لسه مش متأكد البحيرة دي فيها تماسيح وللا لأه بس على الاقل ضمنا مصدر للشرب .. ونقدر نتغذى على ورق الشجر لحد ما نلاقي حيوان نصطاده
وبعدين هنقضي بقية حياتنا هنا
وماله هنا يفرق ايه عن هناك
افندم
ايوه هنا غابة وهناك غابة يمكن حتى الغابة اللي هنا أوضح الوحوش اللي هنا صرحا الراجل اللي انت
انت بتقول ايه يا حسن انت بتخرف
الليلة اللي سمية اتخطفت فيها أنا كنت سهران في المعمل وشغال على التجربة بتاعتي وكان في جيبي المسجل الصغير بيسجل كل خطوات التجربة سمية كلمتني حطيت المسجل في جيبي وجريت عليك جريت على اخويا الصغير عشان يلحقني يومها انا تركيزي كله ضايع انا نفسي كنت ضايع بعدها بشهور لما رجعت افرغ التسجيلات علشان أكمل التجربة خدت بالي من حاجة انت قولتهالي ليلة خطڤ سمية وانا ما ركزتش فيها اول مرة ..
حاجة ايه
قولتلي خلينا نحسبها بالعقل واحدة اتصلت بيك الساعة تلاتة الفجر وقالتلك الحقني يا حسن وبعد كدا تليفونها اتقفل انا مقولتلكش ان تليفونها اتقفل يا ايهاب انا قولتلك بس انها كلمتني وقالتلي الحقني يا حسن
دا مجرد استنتاج عادي
استنتاج ولما قولتلي هروح اعمل تليفون من مكتب رئيس المباحث علشان تليفون مكتبي عطلان وخرجت بعدها تليفون مكتبك رن وانت برا وانا برضو مكنتش فايق أركز في حاجة
انت فاهم غلط يا حسن
كان نفسي اكون فاهم غلط بس انا لما دورت على تيسير اللي شغال مع صلاح ابو تريكة عرفت انه لسه جوا مصر مسافرش زي ما انت قولتلي انت يا ايهاب انت ټقتل سمية وانت عارف انا بحبها قد ايه ومش كدا وبس وتطعن في شرفها وهي مېتة انا كنت فاكر انك نسيت الحكاية القديمة وأنك كنت بتحب سمية واحنا صغيرين وهي كانت بتحبني انا ..
ايوه قټلت سمية يا حسن بس ابلع ريقك سمية مش شهيدة سمية كانت بتخونك مع اللي اسمه تيسير وكلهم كانوا شغالين مع مهرب آثار كبير كان بايع صفقة آثار باكتر من اتنين مليار دولار تمن مقپرة بتاعة ملك مهم جدا الراجل دا ضحك عليهم وسرق نصيبهم وخبا الفلوس في مكان محدش يعرفه خدوه وقعدوا يعذبوه لحد ما ماټ في ايديهم وبرضو معرفوش مكان الفلوس انا عرفت كل الحدوتة دي لما قبضت على سمية في شقة المعادي مع اللي اسمه تيسير دا وهي لسه على ذمتك كان جايلنا بلاغ ان الشقة دي فيها نشاط مشپوه روحت اكبس لقيتها هي اللي هناك اعترفتلي بكل حاجة وحكيتلي الحكاية كلها .. ضړبت في دماغي فكرة تخليني انتقم لشرفك وفي نفس الوقت نستفيد بالفلوس التجربة بتاعتك لو رجعنا بالزمن للحظة اللي الراجل خبا فيها الفلوس هنعرف هو خباها فين ..
ومين قالك ان التجربة دي مضمونة
عبقريتك اللي عمري ما شكيت فيها دا غير اني في يوم لقيت حباية عندك في المعمل كنت فاكرها بتاعة صداع شربتها الدنيا اتلخبطت معايه وحياتي أخرت أسبوع ساعتها
اتاكدت ان التجربة بتاعتك هتنجح بس لو حطيناك في الظروف النفسية السليمة
اللي هي
ان سمية ټموت وانت تشك فيها دا هيخليك تعتبر التجربة أملك الوحيد في الحياة علشان ترجع سمية وتثبت برائتها عملت الخطة واتفقت معاها على كل حاجة اتفقت معاها تتطلق منك وتسيبك السنة ونص دول تتعذب واتفقت معاها تعمل مخطۏفة وتكلمك في التليفون اتفقت معاها على كل حاجة ما عدا حاجة واحدة اني اقټلها دي كانت مفاجأة هي خاېنة و خدت جزاءها وانت اخترعت العقار فعلا صحيح حصل شوية لخبطة بس انت عبقري هنعيش هنا كام شهر وهنرجع تاني وهناخد الفلوس ونعيش حياتنا
يا خسارة يا اخويا يا خسارة
خسارة ايه بس
انت مش هترجع تاني انت هنا عايش في أنسب مكان للي زيك في الغابة انا جايبك هنا قاصد وقضيت معاك الليلة دي علشان أعلمك ازاي تقاوم الطبيعة وتقدر تعيش هنا ودلوقتي انا مهمتي خلصت علبة الحبوب اهي هاخد منها كبسولة وهرجع تاني لزمني وهفضل أسافر بالزمن لحد ما الاقي الزمان اللي فيه ناس طيبة مببخونوش بعض وهعيش فيه أما انت فدا زمانك ومكانك سلام يا ابن ابويا
تمت
