مشكله مش عارفه ابدأ منين _ كامله

مشكله صديقه 
السلام عليكم ورحمة الله وبركاته 
انا مش عارفه ابدأ منين بس هقولكم حكايتي وقولولي اعمل ايه دلوقتي ابويا وامي انفصلو عن بعض وانا بنت وحيده وكل واحد منهم شاف دنيته ورموني لستي وستي ربنا يباركلها ربتني بس مكانتش بتصرف عليا غير بسيط عشان محدش منهم كان يبعتلي مصاريف المهم روحت اشتغلت في بيت راجل وست بس كبار يعني كانو يقومو عشان يدخلو الحمام غير كدا مش بيقدرو يخرجو ولا يطلعو ولا اي حاجه وكنت بخدمهم كأني قاعده ف بيتي مع اهلي وكانو احن واطيب من اهلي وكانو يدوني مرتبي بزياده وهما معهمش اولاد وعايشين ف الدنيا لوحدهم ولا حد بيسأل عليهم المهم الراجل الطيب ده توفاه الله رحمه الله عليه كان ونعمه الطيبه وكان بيعاملني كأني بنته الي مخلفهاش ومن كتر طيبته كنت بقوله يابابا لان اتحرمت من الكلمه دي وقبل مايموت يا حبيبي اشترالي الاجهزة جبلي تلاجه وفريزر وبوتجاز وغساله وغساله اطباق وعجانه جبلي دول وقلي دول هديه جوازك مع اني اصلا مش مخطوبه بس قلي انا مليش وريث وبعد مااموت اخواتي هياخدو ورثي وهما ميستهلوش عشان محدش بيسأل فيا وقلي بتبرع بفلوسي للي يستاهل وعدت سنتين والست الطيبه راحتلو ربنا يرحمهم يارب وقبل ماتموت ادتني كيس و قالتلي دول فلوس تعب السنين الي تعبتيها معانا ده حقك مع اني متعبتش ده كنت بخدمهم بطيب خاطر وعمري ما اشتكيت منهم و قالتلي لما اموت عوزاكي تلبسي حلقي عشان مكنتش لابسه حلق ولما جات الست تغسلها قالتلي زي ما وصتك تخديه وانتي اولي واحق انك تخديه وانا مش هاين عليا وزعلانه قوي ومحدش من أهلهم جه العزا انا قفلت البيت ومشيت بعد ماناس بسيطه جات عزاها انا مش عارفه اعمل ايه ستروني وهما عايشين ومسبونيش لما ماټو حاليا بقالها شهرين اټوفت وعملتلها كولدير صدقه وبطلعلها صدقات كتير والله انا مش نسياها ولا عمري هنساها ربنا يرحمك يا حبيبتي اترحمو عليها ده كانت ست طيبه وحنينه واعمل ايه في الحلق البسو زي ما وصتني ولا اعمل ايه