واحده بتحكى انا اتطلقت من شهرين
جارتي قالتلي ده محترم وانا عارفاه وبن ناس كويسه ومراته مl'ټټ م سنتين ومعندهوش ولاد وانتي محتاجه ونس وحد ياخد باله منك ف وافقي يابنتي وسبيها لله وصدقيني انتي انظلمتي واتحملتي فوق طاقتك وممكن ده يكون عوض ربنا ليكي وبالفعل وافقت.
أنا بقا متجوزتش راجل انا اتجوزت ملاك نازل م السما، عاوزه اقولك اني اتجوزته وانا نفسياً صفر وكنت بقوله انت عاوز واحده تريحك مش تتعبك وانا مش هقدر اعملك اللي نفسك فيه انا محتاجه اتعافى م كل اللي عشته ومريت بيه ومعنديش اي حاجه أقدمها ليك ، يقولي وانا مستعد اخدمك بعيوني لغاية ما تبقى كويسه، كفايه اني هشارك معاكي يومي ويفضل يتغزل فيا.
سافرني دول كتير ف اول سنه جواز وكان بيجبلي كل اللي نفسي فيه،وبسبب حنيته عليا قدر يأهلني نفسياً للحياه م تاني.
كان قايلي قبل الجواز انه عقيم ودي نقطه خوفتني لما افتكرت طليقي بس فهمت الفرق بين العقم والعجز وقولت كويس انا مش هقدر اخلف واحمل اساسا وكنت خايفه ده يحصل وارجع اطلق برَضو تاني ولذالك وافقت.
بعد سنتين جواز هو كان موقف العلاج فيهم لما الدكاتره قالوله الأمر ف ايد ربنا لوحده، ولكني حملت وحملت ف توأم كمان بنوته وولد، عُمرهم دلوقت ٧ سنين.
بقالي ١٠ سنين عايشه معاه نساني فيهم ۏڤlة اهلي، نساني اني اتجوزت قبل كده اتطلقت، نساني كل اللي عشته ومريت بيه ، بقيت انسانه تانيه يوم ماهو دخل حياتي، وطول الوقت بفتكر جملة جارتي "انتي اتظلمتي كتير واتحملتي فوق طاقتك وممكن يكون ده عوض ربنا ليكي" وفعلا كان عندها حق.
البنت والولد كل حياتنا وطول الوقت بحاول اسعده ومفيش يوم بيعدي عليا غير لما بشكر ربنا عليه وبشكره هو ع احسانه ليا ورحمته بيا، وبالنسبالي هو الاب والصاحب والأخ والزوج وكل حاجه ليا ف دُنيتي.♥️
