صوره جماعيه
المحتويات
حضرتك الصور جاهزة الصور الفردية الي فيها كل واحد لوحده وصورة للعيلة كلها الخمس أفراد.
طب تمام هاجي استل.. حضرتك قصدك ٤ صح!
لأ خمسة حضرتك والمدام و ال ٣ أطفال.
قلبي اتقبض لما قال جملته مش عارف إذا كانت قبضة ولا صدمة ٣ أطفال ازاي! سما بنتي الي عندها ٨ سنين و شادي الرضيع يبقوا ٣! مهو يا اما الصور مش بتاعتنا ياما الراجل ده شارب حاجة بس مش بتاعتنا ازاي ده الراجل جه صورنا في البيت الجديد مخصوص ومع ذلك لما سألته على الصور وصفلي الشكل بالظبط لحد.. لحد ما نهى كلامه ب.. و البنت التانية شبه اختها بشكل كبير .
بابا لارا بتقولك ممكن نلعب شوية!
سألتها ساعتها مين لارا ! فقالتلي..
لارا صاحبتي سلمي على بابا يا لارا .
ضحكت ساعتها قولت طبيعي خيال الأطفال الي في سن سما بيهيألهم وجود أصدقاء خياليين ف ابتسمت ساعتها وقولت..
بس الموضوع موقفش لحد هنا كنت كل ما أعدي من قدام أوضة سما كنت بسمعها كإنها بتهزر وتضحك مع حد ولما كنت بخش مكنتش بلاقي حاجة! سما كانت بتبقى قاعدة قدام اللعب لوحدها.
ومش بس كده ده أنا ساعات كنت بلمح خيال سما بيعدي من قدام أوضتنا بليل ولما كنت بنادي عليها كنت بلاقي الخيال ثبت قدام الأوضة ثواني وبعدين مشي كنت بحس الموضوع غريب بس قولت تهيؤات عادي.
كنت في طريقي لاستوديو التصوير فجأة لقيت حد بيتصل بيا عصام المصور رديت عليه لقيت صوته فيه حاجة غريبة وبعدين قالي..
أستاذ طارق حصل.. حصل مشكلة في الصور فاعذرني هظبتهم وتعالى خدهم في يوم تاني.
صوته بدء يتهته وهو بيقول..
م.. مش عارف حاجة أول مرة تحصل ومش عارف حصلت ازاي! حتى مش عارف أوصفلك الفك..
أنا خلاص يعتبر وصلت دقايق واكون عندك.
حاسس إن في حاجة غريبة عشان كده كان لازم اروح أشوف بنفسي. وصلت عنده كان مرسوم على وشه علامات ر..عب كإنه مش عارف يقولي ايه! قولتله يوريني الصور كان عمال يتحجج مش راضي صممت.. لحد ما وراني الصور.
أول ما شوفتهم قلبي اتقبض لأ مش اتقبض أنا اتفز..عت! لسببين أول سبب البنت الغريبة الي واقفة جنب
متابعة القراءة
