حماتى وسلفتى حوامل

حماتي وسلفتي حوامل مع بعض
وانا اللي اتبهدلت معاهم علشان مش بخلف
وقبل ما بدا حكايتي اعرفكم بنفسي انا اسمي ياسمين عندي 30 سنة متجوزة وعايشة في بيت ومعايا حماتي واخو جوزي متجوز معانا في نفس البيت
وفي يوم كنت انا واسامة جوزي تحت في حماتي عشان كنت بنضفها وجوزي كان بيتفرج على التليفزيون لقينا حماتي داخله علينا ومعاها امجد صاحب اسامة وقولت لها

انتي كنتي فين ياحماتي واتاخرتي ليه كده وهو امجد جاي معاكي ليه
الحما
وانتي مالك انتي يا ياسمين كنت مطرح ماكنت انتي هتشاركيني ولا ايه وسعي كده تعالي يا أمجد ادخل ياحبيبي
وطلع اسامة على صوتهم وقال
امجد الله اومال ماقولتش انك جاي هنا ليه هو في حاجة ولا ايه انتي كنتي فين ياماما
الام
ولا في حاجة ومحتاجة يا اسامة هو امجد غريب عنك ولا غريب وبعدين خلاص امجد بقا جوزي
اسامة وزعق وقال
انتي بتقولي اييييه جوزك ازاى واتجوزك امتى ده
الام
ولددد احترم نفسك انت بتعلي صوتك عليا انت نسيت نفسك ولا ايه
اسامة بغيظ
انا اسف ياماما اني عليت صوتي بس ممكن تفهميني ايه الكلام اللي انتي بتقوليه ده انتي بتهزري
الام
لا ياعين امك انا مش بهزر معاك عشان انا فعلا اتجوزت امجد وكتبنا كتابنا وادي قسيمة الجواز اهي
اقعد اسامة على أقرب كرسي من الصدمة مش قادر يقف على رجله رحت عليه وقولت له
اسامة انت كويس مالك اجيب لك كوباية مايه
اسامة
انا كويس يا ياسمين بس مش قادر استوعب اللي حصل ده معقوله ياماما تعملي كده طيب ليه وليه مخاتيش رأي وحسام ابنك هو احنا مش ولادك برضو
الام
بقولك ايه يا اسامة اللي حصل حصل واتجوزت خلاص هو انا يعني عملت حاجة غلط ولا حرام ده شرع ربنا يا بني
اسامة
ايوه عندك حق شرع ربنا شرع ربنا جايه تطبقيه بعد ما انا واخويا اتجوزنا صح
الام
الله ومالو ما انت واخوك كل واحد بياخد مراته اخر الليل وبيطلع شقته وانا بفضل لوحدي ربنا اللي عالم بيا اعمل ايه كنت عايزة ونيس
اسامة
عايزة ونيس تقومي تتجوزي واحد ادي في السن ليه ياماما وانت يافندي
انت
ايه اللي خلاك تعمل كده ايه هي امي دي مش زي امك برضو
امجد
بقولك ايه يا اسامة مافيش داعي للكلام ده انا اتجوزت امك وخلاص يبقا ملوش لزوم بقا الكلام الكتير ماشي
ونزل حسام ومراته رحاب علي صوتهم وقال
في ايه ياجماعه صوتكم عالي ليه كده
اسامة
تعالي يا استاذ حسام شوف الست والدتك اتجوزت امجد
حسام بخضة
ايه انت بتقول ايه صحيح الكلام ده ياماما
الام 
اه صحيح ياحسام وكلمة تانية منك انت واخوك وربي لارميكم بره بيتي انتو سامعين يلا بقا كل واحد فيكم ياخد مراته ويطلع على شقته يلا
وطلعت انا واسامة وحسام فوق ورحاب ورانا وقالت لحماتي بصوت واطي وبفرحة
الف مبروك ياحماتي ياعسل انتي ههههه والنبي انتي قمر
الحما
الله يبارك