حماتى وسلفتى حوامل
المحتويات
سيبك من الموضوع ده دلوقتي وقولي تحب احضر الغدا انا مستنياك وماكلتش حاجة
اسامة
ماشي يا ياسمين ولا اني مليش نفس بس يلا عشان انتي تاكلي
وفوق عند حسام كان لسه مرجعش من الشغل ورحاب كانت بتكلم امها في التليفون وقالت لها
ههههه مش عايزة اقولك ياماما حسام وأخوه اسامة كان شكلهم عامل اول لما شافوها داخله بالعريس في ايديها ههههه كنت هفطس من الضحك
وهي ياختي الوليه حماتك دي فيها نفس تتجوز يخيبها البعيدة دي معملتهاش وعيال لسه صغيرين
رحاب
ده احسن حاجة عملتها حماتي الصراحة ياماما انا عن نفسي فرحانه لها اوي
الام
وليه بقا ياحبيبتي فرحانة كده
رحاب
معرفش
بس انا فرحانة
ونفسي يبقو في مشاكل علطو هي وعيالها ده انا هتفرج فرجه وكمان في خير ياماما حلو كنت عايزة اقوله لحسام بس هاقولك انتي الأول ياماما
خير ياحبيبتي قولي فرحيني
رحاب
انا حامل
الام
بجد ياحبيبتي الف مبروك يارحاب فرحتي قلبي اسمعي يابت متقوليش بقا لسلفتك ياسمين انتي عارفه انها متجوزه قبل منك ومخلفتش لحسن تديكي عين ياحبيبتي
رحاب
مين اللي تديني عين ياماما ياسمين طب دي هبله خالص وعلى نياتها دي حتى هتفرح لي خالص وبعدين انا اصلا هاقول لها اول واحده عشان اكيدها بقا ههههه
بورية منك يابت يارحاب طالعه لأمك بالظبط انتي عارفه انا لما كنت في بيت عيله كنت بطلع عين مراتات اعمامك المواكيس دول كنت بلاعبهم على الشناكل كنت
بخليهم يلفو حوالين نفسهم عشان اكسب رضا حماتي
رحاب
ماهو انا بعمل كده برضو ههههه هو انتي مش لسه قايله اني طالعه لك ياست الكل
الام
جدعه يابت يارحاب طول عمرك ناصحة ياقلب يلا قومي بقا شوفي وراكي ايه وانا هاقوم اعمل عشا لابوكي يلا سلام
والله ماحد هيضيع البت دي وېخرب عليها غيرك ياحسنية انتي ياوليه ماتسيبي البت تعيش
حسنية
الله جرا ايه يامحمود وهو انا يعني اللي قولت لحماتها تروح تتجوز عيل من دور عيالها ياخويا والنبي تخليك في حالك وملكش دعوة بشغل الحريم ده
محمود وطي صوته وقال
على رايك شغل حريم فعلا ناقصات عقل ودين
انتي بتقول حاجة يامحمود
محمود
لا ياحسنية مش بقول حاجة ياحبيبتي عايز اتعشى بقا
وعند رحاب رجع حسام من برة وهي قالت له
حمد الله على السلامة يا حبيبي
حسام باستغراب
الله الله ده ايه الرضا ده كله اومال فين الوش الخشب اللي برجع الاقيه
رحاب
لا خلاص بقا مفيش وش خشب ولا حاجة وبعدين انت قصدك تقول اني منكده عليك انا
هو انا قولت حاجة يا رحاب انا بس مستغرب فرحتك دي عشان ايه يعني
رحاب
عشان عندي ليك خبر جااامد انا حامل ياحسام
حسام بفرحة
رحاب
الله طيب وليه
كده ياحسام
حسام
مش عارف بس
انا بشوفهم بيقولو كده في الأفلام
رحاب
ههههه طيب ايه بقا مش هنزل عند مامتك عشان نعرف كل اللي في البيت
حسام
ايوه صح يلا بينا ننزل عند امي عشان نقول لها الخبر الحلو ده
ونزل
متابعة القراءة
