قصه الام بقلم سميا سمير
فقلتلها : أحوال المحل داقرة شوي ورغم انو بضاعتي أحسن وأرخص من بضاعة جاري
بس المشكلة الناس عم تشتري من عندو وما عم تشتري من عندي
فاطلعت فيني وقالتلي: اي صحيح انت كان بدك زيت حلو ليك فيه واحد قرايب جيراننا عم يبيع التنكة ارخص من السوق بكتير اذا بدك لوصيلك على وحدة
امي : عرفت ليش الناس ماعم تشتري من عندك
يا ابني الناس پتخاف من الرخيص👍
أنا قايمة اعملك فنجان قهوة☕
اطلعت فيها وانا مستغرب قديش الي بالسوق وقديش اجتمعت مع أخواتي وعالم كتير بس ما حدا قلي هل الكلام العميق هيك وعطاني الحل لمشكلتي بدقيقتين 😳
مريت الايام ونحن كل خميس منجتمع انا واخواتي الشباب.. نحن منحكي وأمي بس بتسمع وهي ماسكة مسبحتها عم اتسبح مرة لطيفية ومرة تانية الفاتحة وكل مرة بتعملها لواحد مننا على نية الرزق والصحة 🥺 ..... و ابتسامتها مابتفارقها واخر السهرة كانت امي تدخل علينا وهي جايبة صينية القهوة بإيديها يلي عم ترجف يلي كان بالنسبة النا اطيب فنجان بالعالم
اجا أول خميس بعد ۏفاتها اجتمعت مع أخواتي بس فجأة ساد الصمت
ولاحدا منا فتح تمو بكلمة وكل واحد فتح موبايلو وصار يتفرج عليه وبعد شوي كل واحد راح على بيتو
والخميس يلي بعدو ماعاد حدا سأل
وبالاخر اتفقنا نبيع البيت
اكتشفت انو نحن كنا عم نروح منشان نحكي شو صاير معنا حكاياتنا وهمومنا وفرحنا #لأمي مو منشان نشوف بعض
عم نروح لنشوف ابتسامة امي يلي كانت تنسينا كل هموم الدنيا
عم نروح منشان نشرب من ايديها احلى واغلى فنجان قهوة بالعالم 😔
