ولدت ابنها المغسله هويدا زغلول

عايزه القلب الجامد
حليمة
تصدقي بقى الست دي فاهمه وعندها دماغ
ام احمد
طبعا وبتصل بيها على طول استشيرها في اي حاجه ولا مشكله تقابلني في شغلي كنت محتاسه الاسبوع اللي فات واتصلت بيها وارشدتني اعمل ايه ونصحتني بخبرتها الطويله في الشغلانه دي ما هي جايه عليها وقت كانت بتساعدني في الغسل لما يبقى عندي حالات كثيره في اليوم ولما يبقوا اثنين ثلاثه كمان مش بعرف الاحق بس الصراحه ما بتاخدش ولا مليم
حليمة
سعدتك في ايه يا خالتي
ام احمد
في حكايه كده حكايه توجع القلب وتبكي كمان
حليمة
قولي قولي يا خالتي ولا يهمك انا استاذه في العياط لو عايزه ټعيطي ممكن اعيط معاكي للصبح
ام احمد 
طب يا جزمه هحكي لك الاسبوع اللي فات اتصلت بيا واحده ما عارف بتغسل في مستشفى استثماري قالت لي ان هي مش موجوده وطلبوا منها يغسلوا عروسه فاتصلت بيا انا وقالت لي رزق وجالك
حليمة
كثر خيرها
ام احمد
ورحت هناك المستشفى مجهزه مكان جميل يساعد المغسل انه ما يتعبش ما هي مستشفى استثماري بقى نزل لي ابوها لانها كانت عروسه ايوه كانت شابه عندها 22 سنه بنت لسه كانت عيانه الله يرحمها قال لي غسليها بسرعه وامها وخالاتها جايين في السكه
حليمة
كويس وبعدين
ام احمد
قلت له حاضر ودخلت ونقلوا البنت اثنين تمرجيات وقالوا لي نساعدك قلت لهم لا انا واخده على كده ايه المكان كويس ونضيف وكل حاجه جنبي والبنت رفيعه مش هحتاج حد يساعدني فشيلها وحطها والبنت كانت زي القمر
حليمة
وبعدين فين المشكله بقى يا خالتي
ام احمد
حاولت يا بنتي اقلعها هدومها ما عرفتش لزقه مكانها وكانها مش عايزه تتحرك احاول اجيبها يمين اقلب فيها شمال ابدا بقيت محتاره ما وشها اهو زي القمر بقيت اسمي الله واقول لها ساعديني علشان اخلص بسرعه وربنا يسترك
حليمة
ايه ده هو انت بتكلميها يا خالتي ازاي وهي هتفهمك يعني وتسمع الكلام
ام احمد
صبرني يا رب على الغباء ايوه يا بنتي المۏتى بيسمعونا وبيحسوا بينا كانهم عايشين بس مش عارفين يتكلموا ولا يتحركوا ولا يدونا اشاره ان هم عارفين كل كلمه احنا بنقولها
حليمة 
وبعدين
ام احمد
بقيت اكلمها اقول لها ساعديني واقرا قران لو اقول لك شديت الهدوم شد وكانها كانت بتقاومني مش عايزه تقلع هدومها وكل شويه ابوها يخبط من بره ويستعجلني ويقول لي يلا عايزين نخلص ونصلي العصر والمسافه طويله اتاري امها كانت موجوده الصبح وقالت لبنتها هتروح تجيب هدوم من البلد وترجع ما هو مش من نفس المحافظه
حليمة
ايوه عشان كده كانت لوحدها
ام احمد
ايوه ابوها بس اللي كان موجود وكان فاكر انها تتغسل بسرعه وتتكفن ويودوها هناك لامها في البلد
حليمة
طب وعملتي ايه يا خالتي
ام احمد
تعبت قوي وقتها وقلبي اتقطع لما لقيت دموع نازله من عينيها اه والله يا بنت دموع نازله من عينيها كانها بټعيط ووشها كان ابيض ومنور قلت لا اكيد في حاجه طبعا الموبايل ابو زراير الصغير ده معايا في جيبي على طول اتصلت بخالتك ام فتحي وحكيت لها قلت لها الحقيني والبنت مانعه نفسها ان هي تتغسل ولا تتكفل
ام فتحي
بصي يا ام احمد اكيد البنت دي الله يرحمها موصيه وصيه انت تطلعي لابوها بره دلوقتي لو لسه واقف واكيد هيبقى واقف وقولي له الحكايه واكيد هو عارف بنت ومالها طالما بټعيط اوعي يكون لها وصيه قالتها لحد قبل ما ټموت
ام احمد
وطلعت بره وسالته
ام احمد
بص يا حاج بنتك مش عايزه تتغسل ولا تتكفل ده انا قلعتها هدومها بالعافيه
ده انا لسه ما قلعتهاش الهدوم التحتانيه
ماسكه نفسها خالص اكيد في سر واكيد هي موصيه وصيه وانت خلفتها
ام احمد
تعرفي يا حليمه لقيت الراجل عيط عيط جامد قوي كان عيل صغير بينهنه
الاب
ايوه البنت كانت حاسه ان هي ھتموت والصبح لما امها قالت لها هتروح البلد تغير هدومها وتجيب غيارات ثانيه قالت لها لا ياما الوقت مش هيسعفني امها قالت لها لا مش هتاخر عليك فالبت امنتها امانه قالت لها ياما اوعى حد غيرك يقف على غوسلي لازم تبقي واقفه وهم بيقلعوني وبيغسلوني
ام احمد
اخص عليك وانت خلفت وصيه بنتك والنبي بنتك هانت عليك وانا اقول البنت بټعيط ليه عينيها مغمضه والدموع مغرقه وشها
الاب بيبكي
لما بلغت امها بۏفاتها ويفتحوا المدافن بتاعتنا هناك عيطت وصوتت هو قالت لي وصيه بنتها وقالت لي ان هي جايه زعقت لها وقلت لها لا يا وليه ما تجيش انا خاېف لتصوت وتعمل مهرجان هنا واتفرج الناس علي انا ما احبش الستات صوتها يطلع
ام احمد
لا حول ولا قوه الا بالله واديك خليت بنتك وهي مېته بټعيط استفدت انت ايه بقى دلوقتي
اام احمد
وقتها يا حليمه سمعت صوت خطوات حد بيجري كذا حد لقيت واحده لابسه اسود وبتعيط وبتقول اوعوا تكونوا كفنتوا بيتي الاب شهق وقال لها كويس انك ما سمعتيش كلامي طول عمرك بتسمعي كلامي ودي اول مره تخلفيها وكان عندك حق بنتك جوه بټعيط الحقيها يا وداد
ام احمد
الام دخلت جوه لبنتها ورمت نفسها على جيتتها وقعدت ټعيط ټعيط وتقول لي
الام
عمرها ما هتتكشف قدام حد غريب دي موصياني اقف على راسها ساعه الغسل وابوها خالف وصيتها
ام احمد پتبكي
تصدقي ساعتها يا حليمه البنت المېته فضلت ټعيط وامها ټعيط سبحان الله بعدين قلت لها لا انت كمان هتخلي بنتك ټعيط وهي مېته امسحي دموعك وطالما ماټت عيانه ومريضه يبقى ربنا بيحبها وعملها خفيف شوفي وشها منور ازاي ده انت تفرحي لها مش ټعيطي
حليمة
يا يا خالتي
ام احمد
عارفه يا حليمه والبنت اللي ما كنتش عارفه احركها كانت في ايدي خف الريشه لو اقول لك بصباعي كده كنت برفعها تقولي لي كذابه كانت بتتقلب لوحديها اجيبها على اليمين واجيبها على الشمال ده غير ريحه المسک اللي فحفحت وامها تبص في ايديها وتبوس في راسها الله يرحمها ويرحم مۏتانا ويهدي العايشين
حليمة
يا يا خالتي انت بتشوفي كتير على فكره انا ما خفتش بل بالعكس انا قلبي انفتح ان اكون زيك وهفضل معاكي حتى لو فضلنا تتاكف في بعض كده كتير
ام احمد
هو انا بقى اكراما لك هقول لك قومي البسي نروح نشرب كوبايتين شاي عند الست ام فتحي
وبكده تكون خلصت قصتنا