حكاية اشتغلت بالاجرة

من سائق الي تاجر حبوب كبير
بيقول سبب اني بقيت تاجر كنت شغال بالاجره مع تاجر سنتين وعلشان لقمة العيش كنت مستحمل قرفه
كان بيبعتني نسافر في غير اوقات عملي كنت بنشوف كدبه وسخطه علي الرزق ويخليني ننزل ونرص العربيه الخ
ولم يعوضني عن الزياده في اوقات العمل الاضافيه وكنت نجيبله بيعات من عند جيراني ولم يعطيني عليها جنيه عموله كنت حامد ربنا علي ال جنيه الشهريه والقهوه اللي بيعطوها ليا العملاء

واخر بيعه كانت لب كوسه طن ونص وجاري اكرمه علشان خاطري اقل من الناس 5جنيه 
وفي مره غبت علشان كنت بنجهز لبنتي فرحها بعد شهرين راح جاب سواق اخر 
ولم روحت الشغل لقيته حاطط رجل علي رجل ويشرب شيشه وقالي معلش انا مش هنوقف شغلي علشان خاطر بنتك 
ويعلم الله انكسرت من كلامه قدام اصحابه التجار وخصوصا انه كان من دوري في السن ٤٣سنه وكرامتي غاليه وصعبت عليا نفسي وقلتله الارزاق علي الله يامعلم
روحت نمت
ودي من عادتي لم نزعل ننام قمت في نص الليل وصليت ركعتين ودموعي علي المصليه ونقول لربنا 
ياواسع الارزاق رزقي عليك انت بس وانت كفيل بيه 
العبد جشع وطمع وانت الغني الفرد الصمد 
الصبح بدري لقيت جاري سواق بيخبط عليا وبيقولي في واحد عايز حد يسافر معاه 
عنده عربيه ملاكي وعايز حد يسوق بيه لان دراعه مكسور
وقالي معلش استأذن من شغلك وبالله عليك انا مش فاضي وعايز حد سواق يسافر معاه
انا ماعرفتهوش اني سبت الشغل
قلتله انا سبت الشغل امبارح اصلا
خدني ووصلني لعند الحج صاحب العربيه 
كان بيشتغل في مجال المقاولات مع ناس كبار وعايزني نودي ماتور صغير لمكان العمل ومعاه اوراق مهمه للموقع 
ولما روحت عرض عليا نشتغل معاه شهرين لعند دراعه مايخف وافقت من غير شروط
في يوم كان مسافر معايا وأصر يعرف ايه الحكايه وليه ما اتفقتش معايه علي اجرتك
حكيت له كل اللي حصل
نزل الموقع ودخلني الاستراحه ونادي علي بتاع البوفيه ولقيته مهتم بيا كأني أخوه
روحنا في نص الليل ودخلنا مطعم علي الصحراوي واتعشينا ولقيته بيعطيني ظرف ويقولي دي شهريتك
اتحرجت نقوله كام ولم نزلت اعطاني 100