جابتها تشتغل عندي اتجوزت جوزي بقلم هويدا زغلول

على الغدا
زياد
اه والله يا الهام فعلا انا جالي شغل كتير اوي ملحقتش حتى اتصل بيكي اعرفك حقك عليا
الهام
لا ياحبيبي ولا يهمك خالص براحتك يا زياد تيجي بالسلامة ان شاء الله
وقفلت معاه وزياد قال
غريبة دي معقوله الهام مفاتحتش معايا تحقيق زي كل مره طيب والله كويس يلا ربنا يهديها
ريم
هو في حاجة يافندم بتقول حاجة حضرتك
زياد
هاا لا لا خالص يا ريم وبص في ساعته وقال لها مش يلا بقا نرجع الشركة ولا ايه عشان نلحق نخلص الشغل اللي ورانا
ومشيو على الشركة وعدت الايام والهام كانت مبسوطة بسالي وبشغلها وقالت لها
انتي تعرفي يا سالي انك انتي مليتي عليا البيت ده والله من يوم ماجيتي وانا حسيت انك اختي مش شغاله عندي
سالي
ربنا يخلي حضرتك يامدام الهام انا كمان والله من ساعت لما جيت هنا وانا حاسة اني في بيتي وفي وسط اهلي بالظبط ده كفايه حنيتك عليا
الهام
ماتقوليش كده ياسالي انتي اللي تتحبي بسرعه وتدخلي القلب علطول من غير استئذان
ونزل زياد من فوق وقال
والله انتي باين عليكي شاطرة جدا ياسالي وخليتي الدنيا كلها نضافه وزي الفل
الهام
قصدك ايه يعني يا زياد قصدك تقول اني مكنتش بنضف قبل كده
زياد
لا ياحبيبتي انا مقصدش والله انا بس اقصد يعني ان سالي جات وشالت عنك كتير اوي ربنا يديمها في حياتك
الهام
ماشي ياحبيبي هعديها لك دي المره دي المهم قولي انت هتتغدي معيا النهاردة ولا في الشركة برضو
زياد
لا في الشركة بقا عندي شغل كتير اوي يعني وكده ومش هبقا فاضي
الهام
تمام ياحبيبي وياتري بقا مين بيتغدا معاك متقوليش وليد عشان وليد بياكل في بيتهم عشان خالتي قالت لي
زياد
لا ياستي انا بيتغدا لوحدي خلاص ارتاحتي كده يلا انا ماشي بقا مع السلامة
الهام
ماشي ياحبيبي مع السلامة
ومشي زياد وسالي قالت لالهام
هو انتي ليه كل شوية بتسالية رايح فين وجاي منين وكل شوية تحقيق على فكرة الرجاله مش بتحب كده وممكن يجي له وقت ويزهق منك
الهام
يزهق يعني ايه يا سالي الكلام ده على فكرة بقا انا بغير عليه اوي عشان بحبه اوي وخاېفه لواحدة تانية تاخده مني
سالي
طيب وليه كده بس يامدام الهام دي الباشمهندس محترم جدا والله
الهام
ده بيتهايلك ياسالي يابنتي مفيش راجل محترم في الدنيا دي كلهم كده بيحبو يعرفو واحدة واتنين وتلاته
سالي
طيب تسمعي نصيحتي ياست الهام ولا هتقولي عليا بقا الشغاله وكلامي ملوش اي تلاتين لازمة
الهام
لا ازاى بقا ياسالي قولي وبعدين انا مش بعتبرك بتشتغلي عندي انتي من ماجيتي هنا وانتي بقيتي اختي وحبيبتي
سالي
ربنا يخليكي ليا يارب يعلم ربنا انتي كمان غلاوتك عندي عامله ازاي هو بس انتي سيبي الباشمهندس على راحتة مش تقفلي عليه في الراحة والجايه صدقيني كتر الكلام ده هيخليه يزهق ومش بعيد يقول لنفسه ايه طب طالما هي بتشك فيا وانا مش بعمل طيب ماعمل طالما شك بشك
الهام
اممم تصدقي يابت انتي بتتكلمي صح خلاص انا هسيبة على راحتة بس لو اكتشفت انه يعرف واحدة تانية ياويله مني
سالي
متقلقيش بس انا عايزاكي بقا تحكي لي انتي حبتيه ازاى وشوفتيه فين
الهام
زياد بقا ده يبقا صاحب وليد ابن خالتي ووليد ده بقا اخويا في الرضاعه يعني انا وهو واحد وانا كنت عندهم في مره وكان جايب معاه زياد عندهم وشوفته وشافني ومن هنا بقا حصلت المعجزة وحبينا بعض
سالي 
ياعيني على الحب ياعيني
الهام 
اومال انتي فاكرة ايه بقولك ايه قومي اعملي لما اتنين قهوة انا وانتي ونقعد نحكي سوا انا عجبتني القاعده معاكي اوي
سالي 
من عنيا الاتنين حاضر
وفضل يحكو