جابتها تشتغل عندي اتجوزت جوزي بقلم هويدا زغلول

والهام حكت كل حاجة عن حياتها هي وزياد لسالي وسالي كمان حكت اللي عندها بس سالي كانت حريصة عنها وفي يوم رجع بالليل وكانت سالي صاحيه وقال لها 
انتي صاحية ليه لحد دلوقتي ياسالي منمتيش ليه
سالي 
ابدا ياباشمهندش انا قولت استناك يمكن تعوز حاجة ولا حاجة هو ايه اللي اخرك لحد دلوقتي بقاااا
زياد 
ابدا اصل اااا كان عندي شغل مهم وكنت سهران عليه وكده وبعدين ايه ده انتي بتسالي ليه بقا ان شاء الله ولا الهانم عينتك حارس عليا
سالي 
ابدا والله حضرتك الست الهام مقالتش حاجة انا اللي كنت قلقانة عليك بس مش اكتر يعني وعلى فكرة كمان مدام الهام بطلت تسألك رايح فين وجاي منين بعد انا ماقولت لها بلاش يعني تضيقها كده
زياد 
اهاا قولتي لي وهي بقا بتسمع كلامك ليه أن شاء الله
سالي 
عادي ياباشمهندش وبعدين يعني هو انا مش بني آدم زيكم ولا ايه وكمان انا ومدام الهام بقينا اصحاب جدا وهي بقت تحكي معايا في حاجات كتير اظن يعني ياباشمهندش انا انسانة 
ونزلت دموع من عنيها وصعبت على زياد وقال لها 
انا اسف يا سالي حقك عليا على العموم انا متشكر ليكي
وراح زياد عشان ينام وبعدين رجع تاني لسالي وقال لها 
على فكرة كمان نسيت اقولك انك حلوه اوي ياسالي
قالها كده وسابها وطلع ينام وهي فضلت تفكر في كلامة لأنها هي كمان معجبة بيه بس قالت لنفسها 
ايه الهبل ياسالي بقا الباشمهندس هيبص لك انتي يابت اتلمي ده بيه وانتي اهلك على أدهم
وتاني يوم الهام صحيت الصبح ونزلت تحت وكانت بتفطر هي وزياد وقالت له
هو انت رجعت امتى بالليل يا زياد انا نمت محستش بحاجة خالص وقالت لسالي هو الباشمهندس رجع امتى من برة ياسالي
سالي 
ده ده رجع بدري خالص يا مدام من بعد ما حضرتك طلعتي تنامي علطول مفيش دقيقتين من طلوعك فوق
زياد فرح من كلام سالي وابتسم وقال 
احم اه اه فعلا انا رجعت وبسالك عليكي وسالي قالت لي انك لسه طالعه حتي طلعت لقيتك غرقانة في النوم
الهام 
اممممم طيب وده كان الساعه كام عشان انا عارفه انا نمت الساعه كام بالظبط
زياد اتعصب وساب الاكل وقال لها 
الله جرا ايه يا الهام هو تحقيق ولا ايه انا لازم احسب الوقت يعني عشان اقولك ياشيخة دي مبقتش عيشة دي انا ماشي
الهام 
الله في ايه يازياد وبعدين خليك كمل فطارك
زياد 
مش عايز اتنيل انا ماشي
ومشي وسالي قالت لها 
مش انا قولت لك بلاش تضغطي عليه بالشكل ده كده اهو هيروح منك
الهام 
اعمل ايه ما أنا بحبه وبغير عليه الله بقا هو انا غلطت يعني في ايه انا
ومشي زياد وسالي اتصلت بازياد وقالت له 
الو ايوه ياباشمهندش انا سالي انا مش عايزاك تزعل نفسك دي مدام الهام دي مش حاسة بالنعمة اللي في ايديها بقا هو في واحدة يكون معاها واحد زيك كده وتعمل فيه كده
زياد 
معلش ياسالي هعمل ايه نصيبي كده بس على فكرة انتي عجبتني اوي في اللي انتي عملتيه قدامها ده النهاردة ابقي فكريني اديكي مكافاة
سالي 
انت بتشتمني ياباشمهندس على فكرة انا مش عايزة لا مكفاءات ولا حاجة انا كفايه عليا رضاك عني وبس هو ده احلى مكافاة
زياد 
انا مش عارف اقولك ايه بس ياسالي والله انتي مفيش منك ولا من حلاوتك دي
سالي 
بس متكسفنيش ياباشمهندس يلا مع السلامه لحسن المدام بتنادي عليا وخلي بالك من نفسك
وقفلت معاه وزياد قال لنفسه ايه البت الحلوه والله احسن من الهام النكديه دي
وراح الشركة وريم قالت له 
ايه يا زياد انت